ការបណ្តុះបណ្តាលភាពអ្នកដឹកនាំ របស់លោក ឧកញ៉ា យ៉ន សេងហាន បានពន្យល់ប្រាប់នូវចំណុចល្អប្រសើរច្រើនដល់យុវជន
នៅក្នុង ប្រទេស១ ជាតិសាសន៍១ ក្រុមហ៊ុន១ អង្គការ១ ឬ ក្រុមគ្រួសារ១ ដើម្បីអោយមានដំណើរ ការប្រព្រឹត្តិ ទៅរលូន និង មានការអភិវឌ្ឈ នោះ ចាំបាច់ត្រូវមាន អ្នកដឹកនាំ ដើម្បីដឹកនាំនិងរិះរកមធ្យោបាយ ដឹកនាំទៅរក ភាពជោគជ័យ ។ ហើយដើម្បីអោយ ការដឹកនាំ មានភាពល្អប្រសើរ ចាំបាច់ត្រូវ មានអ្នកដឹកនាំ ល្អដែលមានសមត្ថភាព អាច ដឹកនាំបាន ។
លោក ឧកញ៉ា បានបន្តទៀតថា
កូនចៅ ជួបទុក្ខ ជាទំនួលខុសត្រូវរបស់ ថ្នាក់ដឹកនាំ!បរិស័ទ មានជំនឿផ្តេសផ្តាស់ ជាទំនួលខុសត្រូវរបស់ អ្នកផ្សាយសាសនា!ឃេីញកូចចៅ អ្នកក្រោមជួបទុក្ខ កុំបន្ទោស តែត្រូវជួយរកដំណោះស្រាយ!ឃេីញបរិស័ទមានជំនឿផ្តេសផ្តាស់ សូមកុំដៀល កុំជេរស្តី កុំន្ទោស គឺត្រូវពន្យល់ដោយមេត្តាចិត្ត)
ដូចនេះអ្នកដឹកនាំត្រូវមានលក្ខណៈសម្បត្តិ ដូចខាងក្រោម ៖
មានវ័យចាស់ល្មមប្រកបដោយសុខភាពល្អ និង មានចំនេះវិជ្ជាគ្រប់គ្រាន់ក្នុងការរិះរកមធ្យោបាយ យុត្តិធម៌ ត្រូវតាំងចិត្តជាកណ្តាល មានលំអៀងម្ខាងៗ មានប្រាជ្ញា ជាអ្នកចេះចាំច្រើន និង ស្គាល់បញ្ហាសង្គម ដែលខ្លួនបានគ្រប់គ្រង ជាមនុស្សសុចរិត ទៀងត្រង់ មិនលោភលន់ ជាមនុស្សមិនមាន លោកធម៌ទាំង៨ ជាអ្នកមានចិត្តរឹងប៉ឹង មិនប្រើប្រាស់ ប្រព្រឹត្តិ
អ្វីដែលធ្វើអោយ ប្រទេសជាតិ ក្រុមហ៊ុន អង្គការ ឬ ក្រុមគ្រួសារមានការខាតបង់ និងខាតប្រយោជន៍ ជាអ្នកមានចិត្តសន្តោស មេត្តាករុណា មានចិត្តទូលាយ និង ជ្រះថ្លា ជាអ្នកស្រឡាញ់ច្យាប់ តែងតែគោរពច្បាប់ យកច្យាប់ជាធំ និងមិនប្រព្រឹត្តិបំពានច្បាប់ មានភាពឆ្លាតវៃ ចេះដោះស្រាយបញ្ហាបាន នៅពេលជួបបញ្ហាទោះ តូច ឬ ធំ និង ជាពិសេសបញ្ហា នៅក្នុងសង្គម ស្ទាត់ជំនាញ ពីគោលការណ៍គ្រប់គ្រងច្បាប់ ទាំងច្បាប់ជាតិនិង អន្តរជាតិ និង រៀនសូត្រអំពីច្បាប់បានជ្រៅជ្រះ ។
